Almatyda Central Asia Fintech Summit 2026 sammıti ótedi

11 qyrkúıekte Ulttyq bank pen Ulttyq tólem korporatsııasy qarjy sektorynyń birinshi basshylaryn, top-menedjerlerin jáne salanyń jetekshi sarapshylaryn Central Asia Fintech Summit (CAFS) alańynda jınaıdy.

Almatydaǵy «Tselınnyı» zamanaýı mádenıet ortalyǵynda ótetin aýqymdy is-sharanyń basty taqyryby — «Senim dáýiri: aldaǵy onjyldyqtaǵy qarjy naryǵy qandaı bolmaq».

Aldaǵy sammıttiń baǵdarlamasy tsıfrlyq ekonomıkanyń negizgi syn-qaterleri men makrotrendterine arnalǵan. Іri qarjy ınstıtýttarynyń, fınteh-kompanııalardyń basshylary men memlekettik sektor ókilderi ındýstrııany damytýdyń strategııalyq baǵyttaryn, jańa býyn tólem júıeleriniń bolashaǵyn jáne tsıfrlyq qarjynyń transshekaralyq múmkindikterin talqylaıdy.

Uıymdastyrýshylar búginniń ózinde naryq arhıtektýrasyn ózgertip jatqan tehnologııalyq ınnovatsııalarǵa erekshe nazar aýdaryp otyr. Pikirtalas panelderi barysynda sarapshylar jasandy ıntellektini naqty ekonomıkada tájirıbelik turǵydan qoldaný joldaryn jáne qadaǵalaý tehnologııalarynyń evolıýtsııasyn qarastyrady.

Sammıttiń negizgi taqyryptarynyń biri tsıfrlyq qarjy aktıvteri salasyndaǵy jahandyq básekelestik pen alaıaqtyqtan qorǵaýdyń ujymdyq júıesin qalyptastyrý máselelerin talqylaý bolady. Bul -zamanaýı qarjy tehnologııalaryna degen senimdi nyǵaıtatyn mańyzdy negiz.

CAFS 2026 alańynda óńirdiń fınteh-ekojúıesin keńeıtýge baǵyttalǵan jańa strategııalyq bastamalar usynylyp, tsıfrlyq ekonomıkany qorǵaý jáne ınklıýzıvti tehnologııalyq qoǵamdastyqtardy damytý salasyndaǵy ındýstrııanyń aıryqsha jetistikteri atap ótiledi. 

Aıta ketelik áıel kóshbasshylardyń álemdik sammıti Astanada ótýi yqtımal.