Almatyda bıýdjet esebinen alynatyn dári-dármek tizimi keńeıtildi

ALMATY. KAZINFORM – Almatyda qalalyq máslıhattyń XXXIV sessııasy ótip, onda birqatar másele qaraldy. 

Sessııa barysynda depýtattar jergilikti bıýdjet esebinen qarjylandyrylatyn aýrýlar men dárilik zattar tizbesin keńeıtýdi bekitti. Qosymsha on áleýmettik mańyzy bar jáne sırek kezdesetin patologııasy bar 23 patsıent qymbat dári-dármekpen qamtamasyz etiledi. 

Sondaı-aq qala kóriktendirý erejelerine tolyqtyrýlar engizildi. Endi jaýyn-shashyn tym kóp túskende kóshelerdi kúsheıtilgen rejımde kútip-ustaý tetigi bekitildi.

– Máselen 2024–2025 jylǵy qysta Almatyda bes táýlikte qatty qar jaýǵan (14–22 sm, norma – 1,87 sm). Bul jaǵdaıda jumysshylar men tehnıkanyń sanyn shuǵyl kóbeıtý qajettiligi týyndady. Esep boıynsha, osyndaı jaǵdaı qaıtalansa, 4 myńǵa deıin jol jumysshysy, 200 arnaıy tehnıka jáne 30 júk tıegish qajet bolady. Jalaqy tek naqty oryndalǵan jumysqa tólenedi, - dep habarlady máslıhattan. 

Eske salaıyq, buǵan deıin Almatyda týberkýlez syrqatynyń sany 20 paıyzǵa azaıǵanyn jazǵanbyz.