Almatyda buzylatyn alty bazardyń ornyna ne salynady

ALMATY. KAZINFORM — Almatyda 59 bazar bar. Onyń 41-i jańartyldy. Qalǵan bazarlar modernızatsııalaýdan qashan ótedi, menshik ıelerine qoıylǵan talap qandaı, memleketke qaıtarylatyn bazarlardyń jer telimine ne salynady? Bul saýaldarǵa Kazinform agenttiginiń tilshisi jaýap izdep kórdi.

Алматыда бұзылатын алты базардың орнына не салынады
Фото: Александр Павский/ Kazinform

Megapolıstegi bazarlardy modernızatsııalaýdyń birqatar naqty sharttary bar. Atap aıtar bolsaq, obktilerdiń barlyǵy sanıtarlyq-epıdemıologııalyq normalarǵa, órt qaýipsizdigi talaptaryna saı bolýy kerek. Sondaı-aq kólik turaǵymen qamtamasyz etilip, onlaın tólem júrgizý múmkindigi bolýy tıis.

Bazarlardy jańǵyrtý

Qalalyq kásipkerlik jáne ınvestıtsııalar basqarmasy usynǵan derekke sáıkes, Almatyda 59 bazar bar. Qazir 41 bazar tolyǵymen jańartyldy.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

— 2024 jylǵa arnalǵan Jol kartasy boıynsha Saýran, Úsh-Qońyr, Juldyz, Tıgrohaýd, Kenjehan-1, Kenjehan-2 bazarynda jańǵyrtý jumystary aıaqtaldy. Saýran jáne Juldyz bazarlary byltyr jeltoqsan aıynda paıdalanýǵa berildi. Qalǵan tórt bazar boıynsha paıdalanýǵa berý aktisi tirkelý satysynda, — dep jaýap berdi basqarma ókilderi Kazinform agenttigi joldaǵan saýalǵa.

Joǵaryda atalǵan bazar ıelerine qala qurylysyn baqylaý basqarmasy osy jyldyń aqpan aıynyń sońyna deıin qurylys jumystaryn tolyq aıaqtaý týraly habarlama joldaǵan.

Ár kásipker jeke ınvestıtsııa quıady

Jańǵyrtý jobasyn júzege asyrý maqsatynda 2025 jyldyń sońyna deıin Batyr, Saýdakent, Arlan, Sary-Arqa, Arystan, Azııa, Taýsamaly, Bereke, Tulpar sııaqty 9 bazardy jańartý josparda.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

— Qazir 6 bazar boıynsha, ıaǵnı Arystan, Arlan, Batyr, Bereke, Saýdakent, Taýsamalyna ruqsat berý qujattaryn bekitý jáne jańǵyrtýǵa menshik ıeleriniń qarjy resýrstaryn izdeý jumystary júrgizilip jatyr,— dep atap ótti basqarmadan.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

Bazarlardyń barlyǵy jekemenshik bolǵandyqtan, jańǵyrtýǵa qarjyny ár kásipker ózi quıady.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform
Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

Alty bazardyń jer telimi memleket menshigine qaıtarylady

Almatyda 2025 jyly 5 bazardyń jer telimderi kommýnaldyq menshikke alynady. Bahar, Altaı, Úmit bazary – qoǵamdyq kólik aıaldamalary úshin qajet. Rahat – abattandyrýǵa, Barlyq – metro stantsııasynyń qurylysyna kerek.

Budan bólek, Alataý aýdanyndaǵy «Aq Orda» bazary buzylyp, ornyna 2000 oryndyq jaıly mektep salynady.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

— Bes bazarda (Aq-Bulaq, Barys) jańǵyrtý jumystary josparlanbaǵan. Ieleri jer telimderin satyp, ári qaraı nysanaly maqsatyn ózgertýdi josparlap otyr. «Jibek joly» jáne «Nursát» mamandandyrylǵan bazar bolǵandyqtan, jańǵyrtýǵa jatpaıdy,— dep túsindirdi vedomstvodan.

Jańǵyrý jumystary júrgizilmegen bazar ıeleri jaýapqa tartylady

QR Saýda jáne ıntegratsııa mınıstrliginen málim etkendeı, Almatyda 2025 jyldyń sońyna deıin jańǵyrtý jumystary júrgizilmegen bazarlardyń ıeleri jaýapkershilikke tartylady.

— QR Ákimshilik quqyq buzý týraly kodeksiniń 204-2 babyna sáıkes 2026 jyldyń 1 qańtarynan bastap jańǵyrtýdan ótpegen bazar ıeleri ákimshilik jaýapkershilikke tartylady, — dep habarlady Saýda jáne ıntegratsııa mınıstrligi.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

Satyp alýshylar úshin qolaıly orta qurý

— Bazarlardy jańǵyrtý – bul tek qana bıznes ókilderine jaǵdaı jasaý emes, satyp alýshylar úshin qolaıly orta qurý. Óıtkeni bul shara – taza, zamanaýı ári qaýipsiz orynda saýda jasaýǵa múmkindik beredi. Saýda zańnamasyna saı bazarlar sanıtarlyq jáne órt qaýipsizdigi talaptaryna saı, onlaın tólem qabyldaý múmkindigi bar jáne bazar alańynda kólik turaǵymen qamtylǵan bolýy kerek,— dep atap ótti mınıstrlikten.

Osyǵan deıin Almatyda iri saýda bazarlary jańartylatyny týraly jazǵanbyz.

Eske salaıyq, buǵan deıin «Altyn Orda», «Barlyq» bazarlary ózgertiletini týraly jazǵan edik. 

2030 jylǵa qaraı Almaty qalasynyń polıortalyqtarynyń qurylymy tolyq qalyptasady. Sonyń aıasynda bar nysandardy qaıta formattaý kózdelgen.

Almatyda buzylatyn alty bazardyń ornyna ne salynady
Foto: Aleksandr Pavskıı/ Kazinform

«Altyn Orda» saýda bazaryn kóterme-taratý ortalyǵy etip qaıta qurý, «Barlyq» bazarynyń ornyna «Batys» avtovokzalyn, LRT stantsııasyn jáne metropolıtendi qamtıtyn iri mýltımodaldyq kólik-aýysyp otyrý torabyn qurý josparlanǵan.

Aıta keteıik, 2022 jyly Almatydaǵy «Barys-4» iri saýda bazary memleket menshigine qaıtaryldy. 

Сейчас читают