Almatyda burynǵy sýdıa Svetlana Jolmanova sot otyrysyna taǵy kelmedi

ALMATY. KAZINFORM — Almaty qalasy Medeý aýdandyq sotynyń burynǵy sýdıasy Svetlana Jolmanova sot otyrysyna qatysýdan bas tartty.

Alaıaqtyq jasady dep aıyptalǵan Svetlana Jolmanova taǵy da tergeý ızolıatorynan shyǵýdan bas tartty.

№2 Medeý aýdandyq sotynyń sýdıasy Qanat Árinov aıyptalýshy Svetlana Jolmanova qatysty qylmystyq isti onyń qatysýynsyz qaralatynyn jetkizdi.

Aıta keteıik, eks- sýdıaǵa QR Qylmystyq kodeksiniń 190-baby 4-bóliginiń 2-tarmaǵy (asa iri mólsherdegi alaıaqtyq) boıynsha aıyp taǵylyp otyr.

Eske salaıyq, buǵan deıin sottalýshy Svetlana Jolmanovaǵa qatysty sot otyrysy bes ret keıinge shegerilgen bolatyn.

Buǵan deıin Bas prokýratýra Jolmanovanyń isi sotqa joldanǵany týraly habarlaǵan bolatyn. 

Tergeýdiń málimetinshe, 2021 jyldan 2024 jylǵa deıingi kezeńde ol jyljymaıtyn múlik satyp alýǵa jáne tenderlik jobalarǵa qatysýǵa járdemdesý syltaýymen, aldaý jáne senimge qııanat jasaý arqyly azamattardyń 1 mıllıard teńgeden astam qarajatty qoldy qylǵan.

Eske salaıyq, byltyr eks-sýdıasy Svetlana Jolmanova ustalǵany týraly jazǵanbyz. 

Alǵash ret almatylyq sýdıa 2021 jyly alaıaqtyq jasady degen kúdikke ilingen.