Almatyda burynǵy basqarma basshylaryna sot úkimi shyqty
ALMATY. KAZINFORM – Almatynyń Qylmystyq ister jónindegi mamandandyrylǵan aýdanaralyq sotynda qalalyq josparlaý jáne ýrbanıstıka basqarmasynyń burynǵy basshysy Almashan Ahmedjanov pen basqa da aıyptalýshylarǵa úkim shyǵaryldy.
Sotta 6 kúdiktiniń isi qaraldy. Olardyń arasynda Almashan Ahmedjanovtan basqa Almaty jer qatynastary basqarmasynyń burynǵy basshysy Ardaq Samambetov ta bar.
Sot úkimimen Almashan Ahmedjanovqa 11 jylǵa bas bostandyǵynan aıyrý jazasy taǵaıyndaldy. Іs materıaldaryna sáıkes oǵan laýazymdyq ókilettikterin asyra paıdalaný boıynsha aıyp taǵylǵan bolatyn. Al Ardaq Samambetovqa sot sheshimimen 10 jylǵa bas bostandyǵynan aıyrý jazasy taǵaıyndaldy.
Eske salaıyq, buǵan deıin Almatynyń burynǵy bas arhıtektory sotta sońǵy sózin aıtqanyn jazǵanbyz.
2023 jyly shilde aıynda Sybaılas jemqorlyqqa qarsy qyzmet Almaty qala qurylysy basqarmasynyń burynǵy basshysyn ustaǵany belgili boldy.
Vedomstvonyń málimetinshe, sheneýnik jer telimderin berý jáne nysandardyń qurylysyna ruqsat berý kezinde qyzmettik ókiletterin asyra paıdalandy degen kúdikke ilingen.