Almatyda burynǵy áıelin ańdyǵan stalker jaýapqa tartyldy
ALMATY. KAZINFORM – Elimizde stalkıngke qarsy jaýapkershilik kúsheıtildi.
Almaty qalasy polıtsııa departamentiniń málimetinshe, qala turǵyny burynǵy jubaıy tarapynan úzdiksiz qýdalaý faktisi boıynsha tártip saqshylaryna júgingen.
Atalǵan ótinish qylmystyq is qozǵalyp, tergeý barysynda quqyqqa qaıshy áreketterdi dáleldeıtin aıǵaqtar tolyq jınalǵan. Sonyń negizinde kúdikti azamat ustalyp, ýaqytsha ustaý ızolıatoryna qamaldy. Іs materıaldary sotqa joldandy.
– Sot sheshimimen er adamǵa 100 saǵat qoǵamdyq jumysqa tartý túrindegi jaza taǵaıyndalyp, oǵan qatysty probatsııalyq baqylaý belgilendi, - dep habarlady departamentten.
Eske salaıyq, byltyr stalkıngke qarsy zań qabyldandy. Ol boıynsha adamnyń jeke shekarasyn buzyp, erkinen tys onyń izine túsip, qaıta-qaıta telefon soǵyp qorqynysh sezimin uıalatqandar qylmystyq jaýapkershilikke tartylady.
