Almatyda Buryndaı tas joly eki kúnge jabylady

Almatyda sý qubyry jelilerin salýdy aıaqtaý úshin 28 qazannan 30 qazanǵa deıin Buryndaı tas jolynda qozǵalys shekteledi, dep habarlaıdy Kazinform.

«Alataý aýdanynda Barys kóshesinen Jaýjúrek kóshesine deıin eki jaqqa da kólik qozǵalysy shekteledi. Asfaltbeton jabynyn qalpyna keltirý kezinde qaýipsizdikti qamtamasyz etý úshin ýaqytsha shekteý engiziledi. Osylaısha, 3,8 shaqyrym sý qubyry jelilerin jáne 4,6 shaqyrym káriz jelilerin salý aıaqtalady. Bul Alataý aýdanynyń 2,5 myń turǵynyn qamtıdy, olar úzdiksiz ortalyq sýmen jabdyqtaýǵa qosylady. Al buryn olar jeke kompanııanyń qyzmetin paıdalanǵan»,- dep habarlady qalalyq ákimdikten.

Almaty qalasy Energetıka jáne sýmen jabdyqtaý basqarmasynyń málimetinshe, bıyl 20 nysan boıynsha 108,4 km sý qubyry jáne káriz jelilerin (81,1 km sý qubyry jáne 27,3 km káriz) salý josparlanǵan, bul halyqtyń ortalyqtandyrylǵan sýmen jabdyqtaýǵa qoljetimdiligin 99,2%-ǵa deıin arttyrýǵa múmkindik beredi.