Almatyda buryn da jer silkingen, búgin de silkindi, silkine de beredi – seısmolog
ALMATY. KAZINFORM – Seısmologııalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársenbaev mamandardyń Almatydaǵy jer silkinisi týraly boljamdary nege sáıkes kelmeıdi degen suraqqa jaýap berdi.
«Aıta ketetin jáıt. Bizdegi komıssııa men onyń beretin qorytyndysy qýatty ári joıqyn jer silikinisterine arnalǵan. Eń birinshi osyny eskerý kerek. Bir jyl ishinde Almaty qalasy, Almaty oblysynda jylyna 600-ge deıin seısmıkalyq jaǵdaılardy tirkeımiz. Onyń shamamen jylyna 10-15 qana seziledi», – deıdi ol.
Sonymen qatar, seısmolog komıssııa orta merzim deńgeıinde qysqa merzimdi jaǵdaıda bir aptalyq, uzaq merzimdi jaǵdaıda bir jylǵa boljam jasaıtynyn jetkizdi.
«Bizdiń komıssııanyń jasaǵan boljamy oryndalmaıdy deýdiń ózi durys emes. Biz seısmıkalyq jaǵynan qaýipti aımaqta turamyz. Almaty ǵana emes, Almaty oblysy, Jetisý, Jambyl oblysy da, kórshiles Qytaı, Qyrǵyzstan da seısmıkalyq turǵyda qaýipti aımaqqa jatady. Bizdiń aımaqta jer silkingen, silkindi, silkine de beredi. Seısmıkalyq jaǵdaılar tirkele beredi, – deıdi Dáýlet Sársenbaev.
