Almatyda Buqar Jyraý kóshesiniń bir bóligi jazǵa deıin jabylady

ALMATY. KAZINFORM – Almatyda jylý jelilerin qalpyna keltirý jumysy kezinde Buqar Jyraý kóshesinde qozǵalys ishinara jabylady. 

«Almaty jylý júıesi» kásipornynyń málimetinshe, Buqar Jyraý býlvarynda 1983 jyly paıdalanýǵa berilgen qubyr qaıta jańartylady. Jalpy uzyndyǵy 1,3 shaqyrym bolatyn jylý trassasy 200-den astam qalalyq nysandy jylýmen qamtamasyz etedi. 

– Josparly jumystardy júrgizý qaýipsizdigin qamtamasyz etý úshin 2025 jyldyń 23 sáýir men 10 maýsym aralyǵynda Buqar Jyraý býlvary boıynsha Sergeı Markov kóshesinen Rımskıı-Korsakov kóshesine deıin ońtústik jaǵynan avtokólik qozǵalysy ishinara jabylady. Ýaqytsha qolaısyzdyqtarǵa túsinistikpen qaraýdy jáne atalǵan ýchaskeni aınalyp ótý úshin aldyn ala balama marshrýttardy qarastyrýdy suraımyz, - delingen habarlamada.

Bıyl qala boıynsha 35 km jylý jelilerin qaıta jańartý josparda tur. Bul tozý deńgeıin 54%-ǵa deıin tómendetedi. 

Osyǵan deıin 21 sáýir men 6 mamyr aralyǵynda Almaty qalasynyń segiz aýdanynyń aýmaǵynda jylý jelilerine gıdravlıkalyq synaq júrgiziletini týraly jazǵanbyz.