Almatyda Buqar jyraý býlvarynyń bir bóliginde kólik qozǵalysy shekteledi

ALMATY. KAZINFORM – Buqar jyraý býlvarynyń ýchaskelerinde kólik qozǵalysy shekteledi. Bul týraly «QazaqGaz Aimaq» AQ Almaty óndiristik fılıalynyń baspasóz qyzmeti habarlady. 

Atap aıtqanda, 30 qarasha saǵat 7:00-den 2 jeltoqsan 06:00-ge deıin Buqar jyraý býlvary men Baızaqov kóshesi qıylysynyń ońtústik bóliginde, sondaı-aq Buqar jyraý býlvary boıynda Baızaqov kóshesinen Esentaı ózenine deıingi bóliginde kólik qozǵalysy shekteledi. 

Atalǵan aýmaqta gaz qubyryn aýystyrý jumystary júrgizilip jatyr. Jarokov kóshesinen Buqar jyraý býlvary boıymen Esentaı ózenine deıingi jerasty gaz qubyry 1972 jyly paıdalanýǵa berilgen. Jalpy uzyndyǵy – 1 766,9 m.

– Jumys aıaqtalǵannan keıin irgeles aýmaqty abattandyrý jáne asfalt tósemin qalpyna keltirý jumystary júrgiziledi, - dep habarlady «QazaqGaz Aimaq» AQ Almaty óndiristik fılıalynan. 

Eske salaıyq, buǵan deıin Almatyda kóshe shamdary jańasyna aýystyrylyp jatqanyn jazǵanbyz.