Almatyda búgin tuman túsedi – TJD eskertý jasady

Qazgıdromettiń eskertýi negizinde Almatyda 8  qańtar kúni  tańerteń jáne kúndiz tuman bolady dep kútiledi, dep habarlaıdy Kazinform.

Almaty qalalyq tótenshe jaǵdaılar departamenti tuman jaǵdaıynda avtokólik júrgizýshileri jolda abaı bolyp, jyldamdyqty tómendetip, saqtyq sharalaryn ustanýdy eskertti. 

«Múmkindik bolsa sapardy keıinge qaldyryp, aýa-raıynyń jaqsarýyn kútkeni durys. Sondaı-aq týrıster men demalýshylardan taýly jerlerde barlyq qaýipsizdik erejesin saqtaýdy suraımyz», - dep eskertti TJD-da.

Eske salsaq, Qazgıdromet búgin elimizdiń keı óńirlerinde tuman, kóktaıǵaq, qatty jel kútiletinin habarlaǵan edi.