Almatyda búgin aýa raıy qandaı bolady

ALMATY. KAZINFORM – Almaty qalasynda 5 sáýir kúni shamamen saǵat 18:00-den bastap 6 sáýir tańǵa deıin jańbyr jaýady dep boljanyp otyr.

Almaty ákimdigi taratqan málimetke sáıkes, jaýyn-shashyn kezinde sý tasqynynyń aldyn alý jáne joıý úshin 52 jedel mobıldi brıgadanyń kezekshiligi uıymdastyrylady. 

«1,9 myń qap qum daıyndaldy. Jaýyn-shashyn kezinde barlyǵy 318 birlik arnaıy tehnıka men 1200 jumysshy jumyldyrylady.Qazirgi ýaqytta 320 jumysshy men 92 birlik arnaıy tehnıkanyń kúshimen aryq jelilerin, aryq ótkelderin jáne kezdeısoq qoqysqa arnalǵan jerlerdi tazartý boıynsha josparly jumystar júrgizilýde»,- dep habarlady ákimdikten.

«Qazgıdromet» RMK boljamy boıynsha, 5 mamyrda keshke jáne túnde nóser jańbyr jaýady. Ońtústik-batystan 3-8 m/s jyldamdyqpen jel soǵady, kún kúrkiregen kezdegi jeldiń ekpini 15-20 m/s jetedi. Kúndiz aýa temperatýrasy +26...+28°C.

6 mamyr kúni azdap bult bolyp jańbyr jaýady, túnde nóser jańbyr kútiledi. Naızaǵaı, burshaq bolýy múmkin. 

Soltústik-batystan soǵatyn jeldiń ekpini 3-8 m/s, naızaǵaı kezinde 15-20 m/s jetedi. Aýa temperatýrasy túnde + 12...+14°C, kúndiz + 18...+20°C.