Almatyda birneshe kúnge Jandosov jáne Tsentralnaıa kósheleri jabylady
ALMATY. KAZINFORM — Almaty qalasynda eki kósheniń ýchaskeleri 4 kúnge jabylady.
Qala ákimdiginiń málimetinshe, Jandosov kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysy ýaqytsha shekteledi.
11 tamyz saǵat 23:00–den 15 tamyz saǵat 23:00–ge deıin qala shekarasynan Dáýletkereı kóshesine deıingi aralyqta kólik qozǵalysy reversıvti qozǵalys uıymdastyrylady.
Sondaı-aq Bostandyq aýdanyndaǵy Tsentralnaıa kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi. 11 tamyz saǵat 20:00–den 15 tamyzǵa deıin Kákimbek Salyqov kóshesinen Jáńgir han kóshesine deıingi aralyqta avtokólik qozǵalysy tolyǵymen jabylady.
— Jóndeý júrgizilip jatqan ýchaskede eskertý belgileri jáne merdiger uıym basshysynyń baılanys derekteri kórsetilgen aqparattyq taqta ornatylady. Jol júrý baǵytyn aldyn ala josparlaýdy suraımyz, — dep habarlady ákimdikten.
Eske salaıyq, Kane Ýest kontsertine baılanystv Almatyda 14 tamyzda 32 qoǵamdyq kólik baǵyty ózgeredi.
