Almatyda birneshe kúnde 300-den astam kólik aıypul turaǵyna qoıyldy
ALMATY. KAZINFORM — Almatyda 28-30 shilde aralyǵynda ótken «Tasymaldaýshy» jedel aldyn alý is-sharasy qorytyndylandy.
Qalalyq polıtsııa departamentiniń málimetinshe, is-sharanyń negizgi maqsaty — jolaýshylar men júk tasymalynyń qaýipsizdigin qamtamasyz etý, jol-kólik oqıǵalarynyń aldyn alý jáne avtomobıl kóligi salasyndaǵy zańnama talaptarynyń saqtalýyn baqylaý. Onyń qorytyndysy boıynsha barlyǵy 2 462 quqyq buzýshylyq anyqtalǵan.
— Qaýipsizdik beldigin paıdalaný jáne jolaýshylardy tasymaldaý qaǵıdalaryn buzý, kólik quralyn basqarý kezinde telefon paıdalaný, mindetti tehnıkalyq baıqaýdan ótpegen kólikterdi paıdalaný, sondaı-aq jolaýshylar men júkterdi tasymaldaý talaptaryn buzý faktileri jıi tirkeldi, — dep habarlady departamentten.
Sonymen qatar mas kúıinde kólik basqarǵan 46 júrgizýshi, qarsy qozǵalys jolaǵyna shyqqan 45 júrgizýshi ákimshilik jaýapkershilikke tartylǵan. Al arnaıy aıyppul turaǵyna 328 kólik qoıyldy.
Eske salaıyq, buǵan deıin Almatyda júk kóligi men poıyz soqtyǵysty.
