Almatyda birneshe kóshede qozǵalys ýaqytsha shekteledi

ALMATY. KAZINFORM - Almatyda Sátbaev kóshesiniń bir bóligi aýyl sharýashylyǵy jármeńkesine baılanysty jabylady. Sonymen qatar, Seıfýllın dańǵyly ýchaskesinde qozǵalys ýaqytsha shekteledi.

Алматы, автобусы, транспорт
Фото: Александр Павский / Kazinform

9-10 qarashada saǵat 08.00-den 17.00-ge deıin Almaty qalasynda keńeıtilgen aýyl sharýashylyǵy jármeńkesi ótedi. Jármeńkege Jambyl oblysy men Almaty qalasy aýyl sharýashylyǵy óndirýshileri qatysady.

Almatyda kóshe jabyldy
Foto: Almaty ákimdigi

Aýyl sharýashylyǵy jármeńkesin ótkizýge baılanysty Sátbaev kóshesiniń Ýálıhanov kóshesinen Dostyq dańǵylyna deıingi bóliginde 8 qarashada saǵat 20:00-den 10 qarashada 20:00-ge deıin jabylady. Jármeńkeni ótkizý kezinde №45, №95 jáne №121 baǵyttardyń syzbalary ózgeredi. Jabylatyn ýchaskeni aınalyp ótý Abaı dańǵyly boıynsha júrgiziletin bolady.

Sondaı-aq, 8 qarasha saǵat 23:00-den 10 qarasha saǵat 21:00-ge deıin Jansúgirov kóshesinen Seıfýllın dańǵylyna deıingi sezd jolynda kólik qozǵalysy ýaqytsha shekteledi. Shekteý Krasnodar jáne Chernomorskaıa kóshelerindegi káriz jelilerin qalalyq kollektorǵa qosýǵa baılanysty qoıyldy.

- Bul ýchaskede káriz taratý jelilerin salý jáne sý qubyryn qaıta qurý boıynsha qurylys jumystary júrgizilip jatyr. Jumystar Qozybaev, Rysqulov, Tátibekov kósheleri jáne Raıymbek dańǵyly alańdaryn qamtıdy. Joba Jetisý aýdanynyń 15 myń turǵynynyń turmys jaǵdaıyn jaqsartý úshin 58 kóshede 42,9 km sý qubyry jáne 15,1 km káriz jelilerin salý qarastyrylǵan, - dep habarlady Almaty qalasynyń energetıka jáne sýmen jabdyqtaý basqarmasynan.

Eske salaıyq, buǵan deıin Almatyda 6 shaqyrymǵa jýyq jylý jelisi jańartylǵanyn jazǵanbyz.

Almaty kósheleri
Foto: Almaty ákimdigi

 

Сейчас читают