Almatyda birneshe kóshede kólik qozǵalysyna shekteý qoıylady
ALMATY. KAZINFORM — Almaty eki kósheniń ýchaskesi ýaqytsha jabylady.
Qala ákimdiginiń málimetinshe, LRT qurylysyna daıyndyq aıasynda Tóle bı kóshesiniń bir bóliginde kólik qozǵalysyna ýaqytsha shekteý engiziledi. Atap aıtqanda, ınjenerlik jelilerdi qaıta jańǵyrtý jumystaryna baılanysty 15 tamyz saǵat 23:00–den 16 tamyz saǵat 06:00–ge deıin Masanchı kóshesinen Seıfýllın dańǵylyna deıingi aralyqta kólik qozǵalysy toqtatylady.
Odan bólek Almatyda Tóle bı kóshesin uzartý jumystary aıasynda Áshimov kóshesiniń bir bóliginde kólik qozǵalysyna ýaqytsha shekteý engiziledi. 15 tamyz saǵat 20:00–den 17 tamyzǵa deıin Sábdenov kóshesinen Saǵatov kóshesine deıingi aralyqta kólik qozǵalysy ýaqytsha toqtatylady.
— Jumys júrgiziletin ýchaskelerde eskertý belgileri ornatylady. Jol júrý baǵytyn aldyn ala josparlaýdy suraımyz, — dep habarlady ákimdikten.
Eske salaıyq, erteń velojarysqa baılanysty Almatynyń ál-Farabı dańǵylynda qozǵalys shekteledi.
