Almatyda birneshe kóliktiń ústine aǵash qulady

ALMATY. KAZINFORM – Almatynyń ortalyǵynda birneshe kólik ústine úlken aǵash qulady.

Oqıǵanyń vıdeosy áleýmettik jelide tarap jatyr. Beınejazbadan úlken aǵashtyń jeńil kólikterdi basyp qalǵanyn kórýge bolady. 

Almaty qalalyq Tótenshe jaǵdaılar departamentiniń málimetinshe, jaǵdaı 14 qarasha kúni Jandosov kóshesinde bolǵan.

«Qutqarý qyzmetiniń mamandary Áýezov aýdanyndaǵy Jandosov kóshesi 182-úıdiń janynda kólikterdiń ústine aǵash qulady degen habar boıynsha shyqty. «109» qyzmeti qutqarýshylarynyń kúshimen aǵash qulaǵan jer dereý tazalandy», - dep atap ótti departamentten.

Zardap shekkender joq.

Osyǵan deıin Almaty ákimdigi turǵyndarǵa úndeý jasaǵan bolatyn.

Almatynyń kommýnaldyq qyzmeti kúsheıtilgen rejımge kóshti. 490 arnaıy tehnıka men 1 200 jumysshy jumyldyryldy.Aýdandyq ákimdikterde jumys barysyn qadaǵalaý úshin táýlik boıy kezekshilik uıymdastyrylady.

Almatyda bir túnde 52 jol apaty boldy.