Almatyda bir táýlikte izdeýde júrgen toǵyz adam qolǵa tústi
ALMATY. KAZINFORM – Almatyda polıtseıler bir táýlikte 24 qylmysty ashyp, izdeýde júrgen toǵyz adamdy ustady. Sonymen qatar 1 myńnan astam ákimshilik quqyq buzýshylyq tirkeldi.
26 tamyzdan bastap Almatyda respýblıkalyq «Quqyqtyq tártip» jedel-aldyn alý is-sharasy ótip jatyr. Onyń alǵashqy táýliginde-aq tártip saqshylary 24 qylmystyń betin ashty.
Polıtsııanyń málimetinshe, áshkerelengen quqyq buzýshylyqtar arasynda urlyq pen alaıaqtyq, esirtki men qarýdy zańsyz saqtaý, sondaı-aq mas kúıinde kólik júrgizý derekteri bar. Buǵan qosa, polıtseıler buryn jasalǵan 14 qylmysty ashyp, izdeýde júrgen toǵyz adamdy qolǵa túsirdi.
«Nelegal» sanatynda esepte turǵan 13 adam anyqtalǵan.
– Ákimshilik quqyq buzýshylyqtardyń aldyn alýǵa aıryqsha kóńil bólinip jatyr: bir táýlikte osyndaı 1 myńnan astam derek tirkelgen, olardyń kópshiligi qoǵamdyq oryndarda alkogol ishý, tynyshtyqty buzý jáne usaq buzaqylyqqa qatysty, - delingen habarlamada.
Aıta keteıik, «Quqyqtyq tártip» is-sharasy 28 tamyzǵa deıin jalǵasady.
Eske salaıyq, munyń aldynda Almatyda qamys arasyndaǵy kólik ishinen er adamnyń denesi tabylǵanyn habarlaǵan edik.