Almatyda bir táýlikte aılyq jaýyn-shashynnyń jartysy jaýdy
ALMATY.KAZINFORM - Almaty qalasynda sońǵy táýlikte rekordqa jýyq jaýyn-shashyn tústi, dep habarlaıdy qala ákimdigi.
Baspasóz qyzmetiniń málimetterine qaraǵanda, megapolıste bir kúnde mamyr aıyndaǵy ortasha normanyń jartysynan astamy jaýǵan.
10 mamyr saǵat 11:00-den 11 mamyr saǵat 20:00-ge deıin 50,4 mıllımetr jaýyn-shashyn túsken.
Bul mamyr aıyndaǵy ortasha aılyq normanyń 51 paıyzyna teń.
Almatynyń kommýnaldyq ınfraqurylym jáne turǵyn úı ınspektsııasy basqarmasy qala qyzmetteri kúsheıtilgen rejımge kóshirilgenin habarlady.
Mamandardyń aıtýynsha, negizgi maqsat — kóshelerdi sý basýdyń aldyn alý jáne onyń saldaryn jedel joıý.
Qala ákimdigi kommýnaldyq qyzmetterdiń táýlik boıy jumys istep jatqanyn málimdedi.
Sý tasqynyna qarsy jumystarǵa Almatynyń qutqarý qyzmetteri de tartylǵan.
Qazir olardyń qaramaǵynda assenızatorlyq tehnıka men 15 motopompa jumys istep tur.
Sonymen qatar Tótenshe jaǵdaılar departamenti 53 arnaıy tehnıka men 240 qyzmetker jumyldyrǵan.
Jalpy qala ınfraqurylymynyń jumysyn qamtamasyz etýge 3080 jol jumysshysy men 1225 arnaıy tehnıka atsalysyp jatyr.
Jedel áreket etý úshin 2300 qap qum daıyndalǵan.
Sınoptıkterdiń boljamynsha, 12 mamyr kúni Almatyda jańbyr jaýyp, naızaǵaı oınaıdy.
Al 13 mamyrdan bastap jaýyn-shashyn toqtaıdy dep boljanyp otyr.
Mamandar turǵyndardy saq bolyp, aýa raıyn eskerýge shaqyrdy.
Osyǵan deıin Qazaqstannyń barlyq óńirlerinde kún raıy bolaısyz bolatyny týraly jazdyq.
