Almatyda bir táýlikte 10 mm jaýyn jaýdy
ALMATY. KAZINFORM — Almatynyń kommýnaldyq qyzmetteri nóser jańbyrdyń saldaryn jedel túrde joıdy.
4 shilde kúni Almatyda táýlik ishinde 10 mm jaýyn-shashyn tústi. Eń qatty jańbyr saǵat 15:00-16:00 aralyǵynda jaýyp, osy ýaqyt ishinde 7 mm jaýyn-shashyn tirkeldi. Jalpy naızaǵaıly jańbyr saǵat 14:00-17:00 aralyǵynda jalǵasty. Bul týraly qalalyq Kommýnaldyq ınfraqurylymdy damytý jáne turǵyn úı ınspektsııasy basqarmasynyń ókilderi habarlady.
Jergilikti sý basý jaǵdaılaryna jedel áreket etý úshin kommýnaldyq qyzmetterdiń kúsheıtilgen kezekshiligi uıymdastyryldy. Jumysqa 104 arnaıy tehnıka, 74 motopompa, 12 assenızatorlyq kólik, sondaı-aq 425 jol jumysshysynan quralǵan 75 jedel brıgada jumyldyryldy. Budan bólek, 2,3 myń qum salynǵan qap daıyndaldy. Sonymen qatar, qalalyq Qutqarý qyzmeti men Tótenshe jaǵdaılar departamentiniń bólimsheleri de kezekshilik atqardy.
Kúni boıy qala aýmaǵynda jergilikti sý basýdyń 26 ýchaskesi tirkeldi. Saǵat 20:00-degi jaǵdaı boıynsha kommýnaldyq qyzmetter onyń 24 ýchaskesindegi sý basý máselesin tolyq joıdy. Qalǵan eki ýchaskede jumystar jalǵasyp jatyr.
Táýlik boıy qala kósheleri men joldaryn kútip-ustaý jumystaryna 3 080 jol jumysshysy jáne 1 225 arnaıy tehnıka tartyldy.
Sınoptıkterdiń boljamynsha, 5 jáne 6 shilde kúnderi Almatyda jaýyn-shashynsyz, qubylmaly bultty aýa raıy kútiledi. Kommýnaldyq qyzmetter shtattyq rejımde jumysyn jalǵastyryp, aýa raıy jaǵdaıy ózgergen jaǵdaıda jedel áreket etýge daıyn.
Aıta ketelik Almatynyń taýly aımaqtarynda 4-5 shilde kúnderi sel qaýpi joǵary bolady.
