Almatyda bir mezette 11 500 oqýshy kúı oryndap, rekordtar kitabyna endi
ALMATY. KAZINFORM – Almaty Arena-da 11,5 myńnan astam jas dombyrashynyń basyn qosqan aýqymdy fleshmob ótti. Qalanyń túkpir-túkpirinen jınalǵan mektep oqýshylary bir mezette kúı men zamanaýı kompozıtsııalardy oryndap, keńistikti ulttyq aspaptyń qýatty únimen terbetti.
Almaty óńirlik kommýnıkatsııalar qyzmetiniń habarlaýynsha, alǵashqy áýennen-aq zal erekshe atmosferaǵa bólendi: myńdaǵan dombyra úni bir arnaǵa toǵysyp, dástúr men qazirgi mánerdi ushtastyrǵan tutas mýzykalyq keńistikke aınaldy.
Fleshmob repertýarynda qazaqstandyq tanymal kompozıtorlardyń shyǵarmalary, sondaı-aq kúıshi-vırtýoz Asylbek Eńsepovtiń keńinen tanymal týyndylary oryndaldy. Onyń shyǵarmashylyǵy búginde urpaqtar arasyndaǵy altyn kópirge aınalǵan.
Іs-sharanyń qurmetti qonaqtary qatarynda sahna juldyzdary men Gınnestiń rekordtar kitabynyń ókilderi boldy.
Fleshmobqa qatysýshylardyń biri – №189 mekteptiń oqýshysy Nursultan Qudaıbergenov. Ol osyndaı aýqymdy is-sharaǵa qatysqanyna qýanyshty ekenin aıtyp, Qazaqstan halqyn kele jatqan Naýryz merekesimen quttyqtady.
Mýzyka pániniń muǵalimi Qarlyǵash Qalmambetova da bul bastamaǵa shákirtterimen birge qatysyp, birneshe apta boıy daıyndyq júrgizgenin atap ótti.
Bul jetistik tirkelip, dombyramen eń kóp adamnyń bir mezette kúı oryndaýy retinde Qazaqstan rekordtar kitabyna engizildi.
Eske salaıyq, buǵan deıin Petropavlda dene shynyqtyrý pániniń muǵalimi Anatolıı Vıselskıı eki saýsaqpen kermede tartylyp turý boıynsha álemdik rekordty jańartqanyn jazǵan edik.
