Almatyda bir kóshe jyl sońyna deıin jabylady

ALMATY. KAZINFORM — Almatyda Qarǵaly ózeniniń arnasyn qaıta jańǵyrtý jáne onyń ústindegi kópirdi jańartý jumystaryna baılanysty Jeksenbaev kóshesinde (Ahanov kóshesine deıingi ýchaskede) kólik qozǵalysy ýaqytsha shekteledi.

Ekologııa jáne qorshaǵan orta basqarmasynyń ókilderiniń málimetinshe, aýmaq 2025 jyly 1 jeltoqsannan 31 jeltoqsanǵa deıin ýaqytsha jabylady.

— Júrgizýshilerge jumys barysynda jol qozǵalysyn uıymdastyrýdaǵy ózgeristi eskere otyryp, baǵytyn aldyn ala josparlaýyn suraımyz, — delingen habarlamada.

Eske salaıyq, buǵan deıin Almatydaǵy Jeltoqsan kóshesinde BRT (Bus Rapid Transit) jelisiniń iske qosylýyna baılanysty qozǵalysty uıymdastyrýdyń jańa syzbasy engiziletinin habarlaǵanbyz.

Jańa baǵyttar boıynsha avtobýstar 14 jeltoqsannan bastap eki baǵytta da qatynaı bastaıdy. Alǵashqy kezeńde № 92 jáne № 59 marshrýttaryn iske qosý josparlanyp otyr.