Almatyda bir kóshe eki aıǵa jabylady
ALMATY. KAZINFORM – Almatyda 44 jyl buryn paıdalanýǵa berilgen qubyr qaıta jańǵyrtylady.
«Joldyń astynan ótetin jylý jelilerin qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin 2024 jyldyń 28 mamyr men 28 shilde aralyǵynda Baıqadamov kóshesinen Jýravlev kóshesine deıingi uzyndyǵy 673 metr Shopen kóshesinde avtokólik qozǵalysy jabylady»,- dep habarlady «Almaty jylý jelileri» kompanııasynan.
Jumystardy júrgizý kezeńinde osy aýdan turǵyndaryna ystyq sý syzba boıynsha beriledi.
«Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala anyqtap alýdy suraımyz»,- delingen habarlamada.
Buǵan deıin Jetisý aýdanyndaǵy Maqataev kóshesi úsh aıǵa jabylǵany týraly jazǵan edik.
