Almatyda bir qoǵamdyq kólikten ekinshisine aýysyp otyrý qashan tegin bolady
ALMATY. KAZINFORM – Almatyda osy jyldyń sońyna deıin bir qoǵamdyq kólikten ekinshisine tegin aýysyp otyrýǵa múmkindik beretin jańa tarıftik baǵa engizilmek.
«Búgingi kúni biz tarıftik mázir ázirlep jatyrmyz. Keıin kólik qurylymyn damytý jónindegi sheberlik-josparyna súıene otyryp, biz búkil marshrýttyq jelini ońtaılandyrǵymyz keledi. Bıyl «Bus kılometrine». aýysqymyz keledi. Jalpy, biz tarıftik saıasattyń ózin qaıta qarastyrǵymyz keledi», – dedi qalalyq mobıldilik basqarmasynyń basshysy Saǵyndyq Telibaev.
Spıker jobanyń mańyzdy mindetteriniń biri qoǵamdyq kólikterdiń tartymdylyǵyn arttyrý ekenin atap ótti.
«Mańyzdy mindetterdiń biri – adamdardyń belgili bir ýaqyt ishinde basqa baǵytqa tegin aýysyp otyrýy. Qazir bul máselemen aınalysyp jatyrmyz. Biz bárin jaqsy bilemiz. Buǵan qol jetkize almasaq, adamdardy qoǵamdyq kólikke otyrǵyzý qıynǵa soǵady», - dep qosty ol.
Saǵyndyq Telibaev jańa jobany júzege asyrý merzimine de toqtaldy.
«Biz jobany úshinshi toqsanda alamyz dep oılaımyn. Al 2024 jyldyń sońynda júzege asyrýdy bastaımyz», - dep jaýap berdi ol jýrnalıstiń suraǵyna.
Ótken jyly Almaty ákimi Erbolat Dosaev jańa tarıftik baǵany engizý jospary týraly aıtqan edi.
