Almatyda bir qabatty ǵımarat órtenip, oqıǵa ornynda jedel shtab quryldy

ASTANA. KAZINFORM — Almatyda M.Maqataev kóshesindegi bir qabatty ǵımarat órtenip jatyr, dep habarlaıdy qalalyq TJD baspasóz qyzmeti.

Qazirgi ýaqytta Almaty qalasynyń Almaly aýdanynda, M.Maqataev kóshesinde ornalasqan bir qabatty ǵımarattan shyqqan órtti sóndirý jumystary júrip jatyr. Tótenshe jaǵdaılar mınıstrliginiń qutqarýshylary oqıǵa ornyna shaqyrýdyń joǵary dárejesi boıynsha jetip, órtti sóndirýge kiristi.

Oqıǵa ornynda jedel shtab qurylyp, ǵımarattyń shatyry men aınalasy boıymen tórt jaýyngerlik ýchaske uıymdastyrylǵan. Shuǵyl áreket etý qyzmetteri de tartyldy. 

— Qazirgi ýaqytta órttiń taralý qaýpi joıyldy. Órt oqshaýlandy, — delingen habarlamada.

TJM ókilderiniń aıtýynsha, jaǵdaı baqylaýǵa alynǵan. Qazirgi ýaqytta zardap shekkender týraly aqparat joq.

Budan buryn Alataý polıgonyndaǵy órtten keıin qalada jańa normalar bekitiletini aıtyldy.