Almatyda bir donor tórt adamnyń ómirin saqtap qaldy
ALMATY. KAZINFORM — Almatyda 4-klınıkalyq aýrýhananyń bazasynda kóp aǵzalyq donorlyq protsess ótti. Bul týraly Densaýlyq saqtaý mınıstrligi málim etti.
Donorlyq ota Transplantattaýdy jáne joǵary tehnologııalyq medıtsınalyq qyzmetterdi úılestirý jónindegi respýblıkalyq ortalyq mamandarynyń úılestirýimen ótken.
Donor 1967 jyly týǵan er adam boldy, onyń dárigerleri mıdyń ólimin belgiledi. Otbasynyń kelisimin alǵannan keıin kóp aǵzalyq alý uıymdastyrylyp, júrek, baýyr jáne eki búırek alyndy.
Transplantattaý brıgadalarynyń ýaqtyly úılestirýi men jumysynyń arqasynda kelesi transplantattaýlar júrgizildi:
- júrek 1967 jyly týǵan patsıentke qondyryldy («Kardıologııa jáne ІA ǴZI» AQ);
- baýyr 1967 jyly týǵan patsıentke transplantattaldy («A. N. Syzǵanov atyndaǵy UǴHO»);
- oń búırek — 2006 jyly týǵan retsıpıentke («A. N. Syzǵanov atyndaǵy UǴHO»);
- sol búırek — 1990 jyly týǵan patsıentke («A. N. Syzǵanov atyndaǵy UǴHO»).
Búgingi tańda el boıynsha kútý paraǵynda 4521 patsıent, onyń ishinde 106 bala tur. 2025 jyldyń alǵashqy 10 aıynda ǵana ólim saldarynan tizimnen 272 adam shyǵaryldy — bul kún saıyn bir adam.
2025 jyldyń 12 aıynda qaıtys bolǵannan keıingi donorlardan tek 14 donorlyq protsess júrgizildi, onyń barysynda ómirlik mańyzdy aǵzalardy 60 transplantattaý júzege asyryldy.
— Árbir donorlyq jaǵdaı — bul dárigerlerdiń, úılestirýshilerdiń, zerthanalardyń, sanavıatsııanyń jáne protseske birneshe mınýt ishinde engiziletin barlyq qyzmetterdiń úlken birlesken jumysynyń nátıjesi. Biraq bastysy — donor otbasynyń sheshimi. Olardyń batyldyǵynyń arqasynda búginde óz múmkindikterin jyldar boıy kútken adamdar ómir súrip jatyr, — dedi Transplantattaýdy jáne joǵary tehnologııalyq medıtsınalyq qyzmetterdi úılestirý jónindegi respýblıkalyq ortalyqtyń dırektory Aıdar Sıtqazınov.
Statıstıka kórsetkendeı, Qazaqstandaǵy aǵzalarǵa qajettilik óte joǵary bolyp qala bermek.
— Myńdaǵan patsıent transplantattaýdy kútýdi jalǵastyrady ári biz kún saıyn derlik kómektese alatyn adamdardan aıyrylamyz. Sondyqtan ár qutqarylǵan patsıent — jaı ǵana medıtsınalyq jeńis emes, qaıta oralǵan adam ómiri, — dedi dáriger.
Buǵan deıin eki donor alty qazaqstandyqtyń ómirin saqtap qalǵanyn jazǵan edik.