Almatyda bir bólmeli páterge 990 adamdy tirkegen turǵyn sottaldy
ASTANA. KAZINFORM — Almaty qalasynyń prokýratýrasy azamattardy zańsyz tirkeýdiń jolyn kesti.
Qala prokýratýrasy kóshi-qon zańnamasynyń saqtalýyn qamtamasyz etý jumystaryn jalǵastyryp jatyr. Tekserý nátıjeleri boıynsha Naýryzbaı aýdanynda turatyn páter ıesiniń syıaqyǵa 990 adamdy olardyń naqty sol jerde turýynsyz, birbólmeli páterge tirkeý arqyly uıymdastyrǵan zańsyz kóshi-qon faktisi anyqtaldy.
— Naýryzbaı aýdanynyń prokýratýrasy QR QK-niń 394-babymen (zańsyz kóshi-qondy uıymdastyrý) tirkegen qylmystyq is boıynsha sot «Rezeńke páterdiń» ıesine qatysty aıyptaý úkimin shyǵaryp, 1 jylǵa bas bostandyǵyn shekteý túrindegi jaza taǵaıyndady, — delingen habarlamada.
Qala prokýratýrasy qylmystyq jáne ákimshilik jaýaptylyqty boldyrmaý maqsatynda kóshi-qon zańnamasyn saqtaý qajettigi týraly eskertedi.
Budan buryn Aqtóbede zańsyz páter taratqan sheneýnik 6 jylǵa sottalǵanyn jazǵanbyz.
