Almatyda bir aıda 6 bala terezeden qulap ketken
ALMATY. KAZINFORM – Óńirlik kommýnıkatsııalar qyzmetiniń alańynda Almaty qalasy Tótenshe jaǵdaılar departamenti bastyǵynyń orynbasary Baǵdat Chaızada elimizde jyl basynan beri 150-den astam bala terezeden qulap ketkenin aıtty.
Qalalyq TJD málimetine sáıkes, Almatyda osy jyldyń 8 aıynda balanyń terezeniń qulap ketýi boıynsha 11 jaǵdaı tirkelgen. Onyń altaýy bıyl tamyz aıynda bolǵan.
— Balalar túrli jaraqattarmen, sonyń ishinde aýyr jaraqattarmen aýrýhanaǵa jatqyzyldy. Abyroı bolǵanda, búldirshinder jazylyp, úılerine jiberildi», - dedi Baǵdat Chaızada.
Sondaı-aq onyń aıtýynsha, 5 oqıǵa — ata-analar men qamqorshylardyń balalardy qaraýsyz qaldyrýynan, bireýi — ata-ananyń qyraǵylyq tanytpaýy sebebinen týyndaǵan. Sońǵy jaǵdaıda, balanyń 38 jastaǵy ákesi tańerteń basqa bólmede uıyqtap jatqan.
— Sońy qaıǵyly aıaqtalyp jatatyn jazataıym oqıǵalardyń negizgi sebebi — balalardy qaraýsyz qaldyrý jáne kóp qabatty turǵyn úılerdiń terezelerinde qorǵanys quraldarynyń bolmaýy, — dedi ol.
Eske salaıyq, buǵan deıin Almatyda byltyr 5 myńǵa jýyq bala ınklıýzıvti bilimmen qamtylǵanyn jazǵanbyz.
