Almatyda botanıkalyq baqtyń jumys kestesi ózgerdi
ALMATY. KAZINFORM — Almatynyń Bas botanıkalyq baǵy qysqy jumys kestesine aýysty.
Qala turǵyndarynyń súıikti baqtarynyń biri endi kelýshilerdi 18:00–ge deıin qabyldaıdy.
— Kúndizgi jaryq ýaqytynyń qysqarýyna baılanysty botanıkalyq baq qysqy jumys kestesine kóshedi .15 qazannan bastap botanıkalyq baq saǵat 09:00–den 18:00–ge deıin jumys isteıdi. Kassadaǵy tehnıkalyq úzilis: 15:00–15:30. Ár aıdyń birinshi dúısenbisi sanıtarlyq kún ekenin eske salamyz, — dep habarlady botanıkalyq baq baspasóz qyzmeti.
Bıyl 1 sáýirden bastap Almatynyń botanıkalyq baǵy jazǵy jumys kestesine kóshken bolatyn. Ol boıynsha mekeme qala turǵyndary men qonaqtaryn tańǵy saǵat 9:00–den 20:00–ge deıin qabyldady.
Eske salaıyq, 2026 jyldyń 1 qańtarynan bastap botanıkalyq baqtyń kirý bıletteriniń baǵasy ósti.
Sondaı-aq buǵan deıin Almaty botanıkalyq baǵynda 72 jyl boıy ósip turǵan aǵash nelikten kesilgenin jazǵanbyz.
