Almatyda botanıkalyq baqqa kirý bıletiniń baǵasy ózgeredi
ALMATY. KAZINFORM – Almatyda 9 qazannan bastap botanıkalyq baqqa kirý bıletiniń baǵasy ózgeredi.
«2024 jyldyń 9 qazannan bastap qyzmetterge tarıfterdiń ózgergeni týraly habarlaımyz. Kelýshilerge yńǵaıly bolý úshin Orman sharýashylyǵy jáne janýarlar dúnıesi komıtetimen kelise otyryp, jańa tarıfterde botanıkalyq baq aýmaǵyndaǵy barlyq baǵalar tıynsyz bolady»,- dep atap ótti botanıkalyq baqtyń baspasóz qyzmeti.
Endi botanıkalyq baqqa kirý kezinde eresekter — 900 teńge, zeınetkerler men mektep oqýshylary — 450 teńge, stýdentter úshin 720 teńge bolmaq.
Aıta keteıik, barlyq zeınetkerler qazan aıynda jumys kúnderi botanıkalyq baqqa tegin kire alady. Ol úshin kelýshiler jeke kýálikti nemese zeınetaqy kartasyn kórsetý qajet.
Eske salaıyq, osy jyldyń basynda bılet 24,20 teńgege qymbattaǵan bolatyn.
