Almatyda bombapanany buzyp kirmek bolǵandar ustaldy
ALMATY. KAZINFORM – Almatyda ornalasqan bombapanalardyń birine eki azamat zańsyz kirýge árekettengen.
Qalalyq polıtsııa departamentiniń málimetinshe, túngi ýaqytta «102» pýltine qońyraý túsken. Abaı dańǵyly men Tilendıev kóshesiniń qıylysynda eki jas jigit bombadan tasalaıtyn orynǵa kirýge áreket jasaǵan. Nysanǵa jaýapty kásiporyn basshylyǵy dereý polıtsııaǵa habarlaǵan.
Kásiporyn ókilderiniń aıtýynsha, bul jerge bógde adamdardyń zańsyz kirýge áreket jasaýy buǵan deıin de bolǵan. Nysannyń ishinde baǵaly zattar bolmasa da, keı adamdardyń nazaryna iligetin kórinedi.
- Bul joly eki jigittiń qulypty buzýǵa árekettengeni jáne ózderimen birge tıisti quraldar alyp júrgeni anyqtady. Ekeýi de Almaly aýdandyq polıtsııa basqarmasyna jetkizildi. Jastar óz áreketin qyzyǵýshylyqpen túsindirip, bul oryn týraly bireýden estigenderin aıtqan. Qazir polıtsııa qyzmetkerleri oqıǵanyń barlyq mán-jaıyn jáne nysanǵa kirýge áreket jasaýdyń naqty sebepterin anyqtap jatyr, - dep habarlady departamentten.
Tártip saqshylary eske saldy: jabyq nysan – synaq jasap, táýekelge baratyn oryn emes.
Eske salaıyq, buǵan deıin Atyraý oblystyq TJD qaladaǵy bir bombapananyń jumysy men qyzmetin baıandaıtyn beınerolık daıyndady.
