Almatyda bomba týraly jalǵan habarlamalar jıiledi: búgin saýda ortalyǵy tekserildi
ALMATY. KAZINFORM — Almatyda polıtsııa bomba qoıylǵany týraly habarlamany tekserdi.
Almatylyqtar jelide Dostyk Plaza oıyn-saýyq ortalyǵynda adamdardyń evakýatsııalanǵanyn jazyp jatyr. Keı turǵyndar nysanda ne jaǵdaı bolǵanyna qyzyǵýshylyq bildirgen.
Atalǵan jaǵdaıǵa baılanysty qalalyq polıtsııa departamenti túsinikteme berdi.
— 2 qarashada Almaty polıtsııasyna Dostyk Plaza saýda-oıyn-saýyq ortalyǵyna jarylǵysh zat qoıylǵany týraly habarlama tústi. Oqıǵa ornyna jedel qyzmetter birden jetti. Tekserý nátıjesi boıynsha jarylǵysh qurylǵy týraly aqparat rastalmady. Qaýip seıildi, — dep jaýap berdi departamentten.
Eske salaıyq, keıingi aptada bul — jarylǵysh zat qoıylǵany týraly úshinshi habarlama. Buǵan deıin polıtsııa 20 qazanda UIB jáne taǵy birneshe ýnıversıtette tekserý júrgizgen bolatyn.
28 qazanda ál-Farabı atyndaǵy QazUÝ stýdentteri men qyzmetkerleriniń evakýatsııalandy. Tekserýler kezinde bomba týraly aqparat rastalǵan joq.
