Almatyda bólim basshysy 12 mıllıon teńge para almaq bolǵan
Almaty bilim basqarmasynyń laýazymdy tulǵalaryna qatysty tergep-tekserý aıaqtaldy, dep habarlaıdy Kazinform qalalyq prokýratýraǵa silteme jasap.
Qala prokýratýrasy jetim balalar men oqýshylarǵa arnalǵan lagerdi uıymdastyrý boıynsha jetkizýshi kompanııany konkýrstyń jeńimpazy dep tanyǵany úshin bólim basshysynyń
12 mln teńge kóleminde para alýǵa árekettený faktisi boıynsha qylmystyq isti sotqa jiberdi.
"Sondaı-aq qala prokýratýrasynyń nusqaýy boıynsha laýazymdy tulǵalardy zańda belgilengen jaýaptylyqqa tartý úshin Almaty qalasynyń ákimdigine qylmystyq quqyq buzýshylyq jasaýǵa yqpal etken zań buzýshylyqtardy joıý týraly usynys engizildi", - delingen vedomstvo jazbasynda.
Aıta keteıik, Konstıtýtsııanyń 77-baby jáne Qylmystyq protsestik kodekstiń 19-babyna sáıkes árbir adam onyń qylmystyq quqyq buzýshylyq jasaýdaǵy kinási zańdy kúshine engen sot úkimimen anyqtalǵanǵa deıin kinásiz dep esepteledi.
