Almatyda boks pen kúresten álem chempıonatynyń júldegerleri marapattaldy
ALMATY. KAZINFORM — Saltanatty rásimde Almaty ákimi Darhan Satybaldy sportshylardy joǵary nátıjesimen quttyqtap, alǵys hat pen qarjylaı sertıfıkattar tabys etti.
— Sizderdi osy jarqyn jeńisterińizben quttyqtaımyn. Bul — biz úshin qos qýanysh, óıtkeni bizdiń almatylyq sportshylar ulttyq quramanyń qorjynyna 4 medal saldy. Budan bólek, kúresten álem chempıonatynda taǵy bir medalǵa qol jetti. Munyń bári — sizdermen birge maqtanatyn joǵary nátıje, — dedi qala ákimi.
Sondaı-aq Zagreb (Horvatııa) qalasynda ótken kúresten álem chempıonatynda qola júldege ıe bolǵan Nurqoja Qaıpanov ta alǵys hat jáne qarjylaı sertıfıkatpen marapattaldy.
Sportshylardyń bapkerleri de alǵys hat pen qarjylaı yntalandyrýǵa ıe boldy.
Álem chempıonatynyń qorytyndysy boıynsha Qazaqstan quramasy jalpykomandalyq esepte 1-oryndy ıelendi. Sportshylar barlyǵy 10 medal jeńip aldy: 7 altyn, 1 kúmis jáne 2 qola. Ulttyq qurama sapynda baq synaǵan 4 almatylyq sportshy júldeli oraldy.
Olar:
1. Alýa Balqybekova — altyn medal.
2. Nazym Qyzaıbaı — kúmis medal.
3. Vıktorııa Grafeeva — qola medal.
4. Eldana Tálipova — qola medal.
Eske salaıyq, buǵan deıin Prezıdent bokstan Álem chempıonatynda top jarǵan boksshylardy quttyqtady.