Almatyda BMX-frıstaıldan Qazaqstan chempıonaty ótedi

ASTANA. KAZINFORM – 9-10 tamyz aralyǵynda Almaty qalasynda BMX-frıstaıldan Qazaqstan tarıhyndaǵy alǵashqy el birinshiligi ótedi. Bul týraly UOK habarlady. 

Jarystar qazirgi tańda Qazaqstanda belsendi damyp kele jatqan jáne olımpıadalyq baǵdarlamaǵa engizilgen BMX Freestyle dıstsıplınasy boıynsha uıymdastyrylady.

Týrnırde eldiń túrli aımaǵynan kelgen qazirgi kóshbasshylarmen qatar bolashaǵynan úlken úmit kúttiretin jas sportshylar da baq synaıdy.

Aıta keteıik, Qazaqstan birinshiliginiń qorytyndysy boıynsha úzdik atanǵan sportshylar 2025 jyly Japonııada ótetin Azııa chempıonatyna joldama alady.

Buǵan deıin 21–27 shilde kúnderi Qazaqstan sportshylary qandaı iri jarystarǵa qatysatynyn jazǵan edik.