Almatyda biliktilik kýrstarynan ótken avtobýs júrgizýshileriniń aılyǵy ósedi
ALMATY. KAZINFORM – Almaty ákimi Jetisý aýdanynyń turǵyndarymen kezdesti.
Erbolat Dosaev avtobýs júrgizýshileriniń jol erejesin buzýyna baılanysty suraqqa jaýap berdi. Qala ákimi qoǵamdyq kólikti júrgizý ońaı emes ekenin jáne maman tapshylyǵy bar ekenin atap ótti.
— Qoǵamdyq kólik qyzmetiniń sapasyn kóterý – biz úshin naǵyz synaq. Bul baǵytta jumystardy jalǵastyryp jatyrmyz. Al júrgizýshiler boıynsha aıtsam, bizde normatıv boıynsha qajetti júrgizýshiler sany men ýaqtyly aýysymǵa baılanysty másele tolyq sheshilmedi. Jaqynda BAQ-ta olardyń 12 saǵattap jumys isteıtini de jazyldy. Qala prokýratýrasy da bizge «Almatyelektrotransta» osyndaı buzýshylyq bar ekenin habarlady. Shyn máninde, mundaı másele bar, jumys ońaı emes. Biz jaqynda jalaqany kóterdik jáne ony aldaǵy ýaqytta da kóterýge nıettimiz, - dedi ákim.
Sonymen qatar Erbolat Dosaev bıyl 10 aınalma pýnktiniń qurylysy bastalatynyn atap ótti. Shahar basshysynyń aıtýynsha, bul nysandardyń úsheýine qarajat bólingen, qalǵan jeteýiniń jobalaý-smetalyq qujattamasy kútilýde.
— ıAǵnı, júrgizýshiler demalyp otyra alatyn orynnyń máselesi sheshiledi. Sondaı-aq kolledjderde jańa júrgizýshilerdi daıyndaý boıynsha tapsyrma berdim. Bizde jańa júıe bolady: kim oqý arqyly biliktiligin arttyrsa, onyń jalaqysyna ósim bolady. Onda jolaýshylarmen sóılesý mádenıeti jáne basqa da qajetti dúnıeler oqytylady. Biz materıaldyq yntalandyrý jaǵynan jumys isteımiz, - dedi Erbolat Dosaev.
Eske salaıyq, buǵan deıin Almaty metrosynda poıyzdar 3 mınýt saıyn júretinin jazǵanbyz.