Almatyda byltyr zańsyz salynǵan 42 nysan buzyldy
ALMATY. KAZINFORM – Almatyda 2025 jyly sot sheshimimen zańsyz salynǵan birqatar nysan buzyldy.
Qala qurylysyn baqylaý basqarmasynyń málimetinshe, jalpy megapolıste 42 nysan tolyq nemese ishinara súrilgen. Onyń ishinde:
– Alataý aýdanynda - 2 nysan;
– Almaly aýdanynda - 7 nysan;
– Bostandyq aýdanynda - 9 nysan;
– Jetisý aýdanynda - 6 nysan;
– Medeý aýdanynda - 15 nysan;
– Naýryzbaı aýdanynda - 2 nysan;
– Túrksib aýdanynda - 1 nysan.
Sonymen qatar vedomstvo salynyp jatqan turǵyn úı keshenderinen páter alýdy josparlaǵan azamattarǵa nysannyń zańdylyǵyn qalaı tekserýge bolatynyn túsindirdi.
– Turǵyn úı qurylysynyń belgili bir nysany boıynsha ruqsat berý qujattarynyń tolyq paketi bar-joqtyǵy týraly senimdi ári ózekti aqparat alý úshin Basqarmanyń +7 705 896 60 00 nómirindegi anyqtamalyq WhatsApp arnasy iske qosylǵan. Bul rette jekelegen nysandardyń mártebesi qysqa merzim ishinde ózgerýi múmkin ekenin atap ótken jón. Osyǵan baılanysty aqparattyń ózektiligin turaqty túrde tekserý usynylady, - dep habarlady basqarma ókilderi.
Odan bólek vedomstvo jyljymaıtyn múlik naryǵynda mámile jasaý aldynda qurylys kompanııalarynan ruqsat berý qujattarynyń tolyq paketin talap etý qajettigin eske saldy.
Buǵan deıin Almatyda Saıran mańyndaǵy jyldar boıy «qańyrap turǵan» ǵımaratty buzý jumystary bastalǵanyn jazǵanbyz.