Almatyda byltyr 4 myńnan astam adam famılııasyn ózgertken

ALMATY. KAZINFORM — Aty-jónin ózgertken azamattar 1 aı ishinde oryndaýy tıis talaptar bar.

Almaty qalasy Ádilet departamentiniń basshysy Balaım Kesebaeva óńirlik kommýnkatsııalar qyzmetiniń alańynda departamenttiń bir jyldyq jumys nátıjesimen bólisti. Brıfıng barysynda Balaım Kesebaeva aty-jónin ózgertken azamattar bir aı ishinde tólqujatyn aýystyrýdy umytyp ketetinin aıtty.

— Qazirgi ýaqytta aty-jónin ózgertý týraly akt jazbasy tirkelmeıdi jáne atyn, ákesiniń atyn jáne tegin ózgertý týraly kýálik berilmeıdi. Keıbir azamattar atyn nemese ákesiniń atyn ózgertkennen keıin bir aı ishinde jeke kýáligi men tólqujatyn aýystyrýdy umytyp ketedi. Mundaı azamattarǵa bir aı ishinde jeke basyn kýálandyratyn qujattardy aýystyrý qajet, — dedi ol.

Jalpy «Azamattarǵa arnalǵan úkimet» memlekettik korporatsııasynyń Almatydaǵy fılıalynyń málimetinshe, 2024 jyly megapolıste 4294 adam tegin ózgertken.

Eske salaıyq, buǵan deıin Almatydaǵy notarıýstar men advokattardyń sany qansha ekenin jazǵanbyz.