Almatyda bıikten qulap mert bolǵan stýdent ólimine qatysty is qozǵaldy
ALMATY. KAZINFORM – Almaty ýnıversıtteriniń birinde 1-kýrs stýdenti oqý korpýsynyń segizinshi qabatynan sekirip, oqıǵa ornynda kóz jumdy.
Qaıǵyly jaǵdaı 6 mamyr kúni tańǵy saǵat 09:00 shamasynda bolǵan. Abai University medıa ortalyǵynyń jaýabyna sáıkes, marqum «Fılosofııa» mamandyǵy boıynsha memlekettik grantpen birinshi kýrsta oqyǵan.
— Osy oqý jyly ishinde stýdent psıhologııalyq kómekke júginbegen jáne mamandardyń qabyldaýynda bolmaǵan. Onyń psıhoemotsıonaldyq kúıine baılanysty qandaı da bir shaǵymdar nemese mazasyzdyq belgileri tirkelmegen. Oqytýshylardyń aıtýynsha, stýdenttiń úlgerimi jaqsy bolǵan, tártibine qatysty eshqandaı eskertý jasalmaǵan, — delingen málimdemede.
Sondaı-aq ýnıversıtet ókilderi sessııanyń bul oqıǵaǵa qatysy joq ekenin naqtylady. Oqý ornynyń basshylyǵy qaza tapqan stýdenttiń otbasymen kezdesip, jan-jaqty qoldaý kórsetýge daıyn ekendigin bildirdi.
Qalalyq polıtsııa departamenti bul derek boıynsha Medeý aýdandyq polıtsııa basqarmasy qylmystyq is qozǵaǵanyn habarlady. Oqıǵanyń sebepteri men mán-jaıy anyqtalym jatyr.
Eske salaıyq, byltyr Nazarbaev ýnıversıtetinde stýdent qyz qaıtys boldy.
