Almatyda bıik úıden qulaǵan qyz Qyrǵyzstan azamaty – ІІM
ASTANA. KAZINFORM – Almatyda bıik úıdiń terezesinen qulap mert bolǵan qyz Qyrǵyzstan azamaty. Bul týraly Іshki ister mınıstriniń birinshi orynbasary Marat Qojaev aıtty.
«Mundaı oqıǵa shynymen boldy. Ol kórshi eldiń azamaty. Búginde minez-qulyq erekshelegi bar ekendigi anyqtaldy. Týǵan-týstary tarapynan da onyń psıhıologııalyq densaýlyǵyna qatysty problemanyń bolǵany jaıly aqparat paıda boldy. Osy oqıǵa sotqa deıingi tergeýdiń biryńǵaı tizilimine tirkeldi. Tergeý júrip jatyr. Onyń mundaı qadamǵa nelikten barǵanyn aıta almaımyn. Mán-jaı anyqtalyp jatyr», - dedi ol Senattyń jalpy otyrysy aıasynda BAQ ókilderiniń saýalyna oraı.
Sonymen qatar ol sekirip ólgen qyzdyń Qyrǵystan azamaty ekendigin naqtylady.
Buǵan deıin Almatyda áıel kóp qabatty úıdiń terezesinen qulap, qaıtys bolǵanyn jazǵan edik.
