Almatyda bıyl sanıtarlyq maqsatta 32 myńnan astam aǵash kesildi
ALMATY. KAZINFORM — Almatyda qalanyń jasyl qoryn kútip ustaý jumystary júrip jatyr.
Kommýnaldyq ınfraqurylymdy damytý jáne turǵyn úı ınspektsııasy basqarmasynyń málimetinshe, jyl basynan beri «Almaty Tazalyq» mekemesiniń mamandary sanıtarlyq maqsatta 32,3 myńnan astam aǵash kesip, jyldyq jospardyń 46 paıyzyn oryndaǵan.
Aldaǵy ýaqytta sanıtarlyq maqsatta aǵash kesý jumystarynyń kólemi 2 esege artyp, jalpy sany 140 myń aǵashqa deıin jetkizilmek.
— Qazirgi ýaqytta sanıtarlyq maqsatta kesý jumystary qalanyń negizgi magıstraldyq kósheleri men kólik dálizderinde qolǵa alynǵan. Oǵan 32 mamandandyrylǵan brıgada, 160 qyzmetker jáne 34 arnaıy tehnıka, onyń ishinde 18 avtogıdrokótergish jumyldyrylǵan, — dep habarlady vedomstvodan.
Sonymen qatar jyl basynan beri qalanyń 8 aýdanynda 8,7 myń aǵashqa qalyptap kesý jumystary júrgizilgen. Bul sharalar jasyl jelekterdi jaqsy kúıde saqtaýǵa, qalanyń kórkin jaqsartýǵa jáne jol qozǵalysynyń qaýipsizdigin arttyrýǵa baǵyttalǵan.
Eske salaıyq, buǵan deıin Almatyda kóshedegi aǵashtar zańsyz kesilgenin jazǵanbyz.
