Almatyda bıyl qys sońyna deıin aýa raıy qandaı bolady
ALMATY. KAZINFORM – «Qazgıdromet» RMK Almaty boıynsha qańtar men aqpan aılaryna arnalǵan aýa raıyna boljamyn usyndy.
Bıyl Almatyda qys ádettegiden jyly ótip jatyr. Qala turǵyndary Jańa jyldy qarsyz qarsy aldy. Almatylyqtardy qys sońyna deıin qar jaýa ma, qalada naǵyz qys qashan túsedi degen saýal alańdatyp otyr. Agenttik tilshisi sınoptıkterden surap bildi.
12-31 qańtarǵa arnalǵan boljam
«Qazgıdromet» málimetinshe, 12-31 qańtar aralyǵynda Almatyda aýa raıy qubylmaly bolady, temperatýra aýytqyp, jaýyn-shashyn túsedi.
12 qańtarda kóshpeli bultty, jaýyn-shashynsyz. Jel ońtústik-batystan soǵady, ekpini – 2-7 m/s. Kúndiz aýa temperatýrasy +7…+9°C.
13 qańtarda kóshpeli bultty, túnde jańbyr men qar túrinde jaýyn-shashyn túsedi. Túngi jáne tańǵy ýaqytta tuman, joldarda kóktaıǵaq bolady. Soltústik-shyǵystan soǵatyn jeldiń ekpini sekýnyna 5-10 metrge jetedi. Túnde 0…–2°C, kúndiz +5…+7°C.
14 qańtarda kóshpeli bultty, jaýyn-shashynsyz. Jel soltústik-shyǵystan soǵady, ekpini – 3-8 m/s. Túnde –1…–3°C, kúndiz +3…+5°C.
15 qańtarda kóshpeli bult shyǵady, kúndiz qar jaýady. Soltústik-shyǵys jáne shyǵystan soǵatyn jeldiń 12 m/s-ke deıin jetedi. Túnde –3…–5°C, kúndiz –1…–3°C.
16 qańtarda kóshpeli bultty, keı ýaqytta qar jaýady. Soltústik-shyǵys jáne shyǵystan soǵatyn jeldiń ekpini 12 m/s bolady. Aýa temperatýrasy tómendeıdi.
17 qańtarda kóshpeli bultty, azdap qar jaýady. Jel shyǵystan soǵady, ekpini 12 m/s-ke jetedi. Túnde –15…–17°C, kúndiz –5…–7°C.
18 qańtarda kóshpeli bultty, jaýyn-shashynsyz. Shyǵystan soǵatyn jeldiń ekpini – 7-12 m/s. Túnde –15…–17°C, kúndiz –4…–6°C.
19-20 qańtarda da kóshpeli bult shyǵady, jaýyn-shashyn túspeıdi. Jel shyǵys jáne ońtústik-shyǵystan soǵady, ekpini 5-10 m/s-ke jetedi. Túnde –10…–12°C, kúndiz –3…–5°C.
21-31 qańtar aralyǵynda kezeńniń alǵashqy jartysynda qar jaýady. Túngi ýaqytta aýa temperatýrasy –10…–15°C-ten –15…–20°C-qa deıin tómendese, kúndizgi temperatýra 3…–8°C pen –2…+3°C aralyǵynda qubylady.
Aqpan aıyna arnalǵan boljam
Sınoptıkterdiń dereginshe, aqpan aıyndaǵy ortasha aýa temperatýrasy –1,4°C bolady. Bul klımattyq normadan 1 gradýs joǵary (norma –2,4°C).
Aqpannyń birinshi onkúndiginde túnde aýa temperatýrasy 0…–5°C-ten –5…–10°C-qa deıin, kúndiz +2…+7°C-ten –1…–6°C-qa deıin qubylady.
Ekinshi onkúndikte temperatýranyń kóteriledi: túnde –5…–10°C-ten –3…+2°C-qa deıin, kúndiz –1…–6°C-ten +1…+6°C-qa deıin jyly. Keıin túnde –10…–15°C-qa, kúndiz –1…–6°C-qa deıin tómendeıdi. Onkúndik sońynda qaıta jylynady.
Úshinshi onkúndikte kún odan ári jylyp, túnde 0…+5°C-qa, kúndiz +7…+12°C-qa deıin kóteriledi.
Aı ishinde jaýyn-shashyn mólsheri klımattyq norma shamasynda bolady (43 mm). Jańbyr men qar birinshi onkúndiktiń ekinshi jartysynda jáne úshinshi onkúndiktiń sońyna qaraı jaýady. Ekinshi onkúndiktiń basy men ortasynda qar túsip, boran soǵýy múmkin. Birinshi onkúndiktiń ortasy men sońynda kóktaıǵaq, al birinshi onkúndiktiń basy men sońy jáne ekinshi onkúndik boıy tuman jıi baıqalady.
Jeldiń jyldamdyǵy 2-7 m/s-ke, keı kezeńderde ekpini 12 m/s-ke deıin jetedi.
«Qazgıdromet» usynǵan aılyq boljam aldyn ala jasalǵanyn, aýa raıy jaǵdaıyna baılanysty onyń naqtylanýy múmkin ekenin málimdedi.
Eske salaıyq, buǵan deıin elimizdiń úsh oblysynda kún raıyna baılanysty kólik qozǵalysy shektelgenin jazǵanbyz.