Almatyda bıyl kásipkerlikti qoldaýǵa 50 mlrd teńge jumsaldy

ALMATY. KAZINFORM — Ortalyq kommýnıkatsııalar qyzmetiniń alańynda ótken brıfıng barysynda Almaty qalasynyń ákimi Darhan Satybaldy shaǵyn jáne orta bıznestiń úlesi týraly aıtty. 

Megapolıs basshysynyń sózinshe, qaladaǵy eńbekke qabiletti halyqtyń shamamen 90%-y, ıaǵnı 1 mıllıonnan astam adam shaǵyn jáne orta bıznes salasynda jumyspen qamtylǵan.

— Shaǵyn jáne orta bıznes Almaty ekonomıkasynyń negizgi draıveri bolyp qala beredi. Bul sektor jalpy óńirlik ónimniń shamamen 60%-yn jáne jergilikti bıýdjetke túsetin kiristerdiń basym bóligin qamtamasyz etip otyr. Jumys istep turǵan shaǵyn jáne orta bıznes sýbektileriniń sany 9,4%-ǵa ósip, 387 myńǵa jetti. Al óndirilgen ónim kólemi 21%-ǵa artyp, 2025 jyldyń birinshi jartyjyldyǵynyń qorytyndysy boıynsha 13,2 trln teńgege jetti, — dedi Almaty ákimi.

Odan bólek Darhan Satybaldynyń kásipkerlikti qoldaý jáne ony odan ári damytý maqsatynda 2025 jyly bıýdjetten 50,8 mlrd teńge bólingenin atap ótti. Jalpy 1 myńnan astam jobaǵa qoldaý kórsetilgen.

Eske salaıyq, bıyl «Báıterek» holdıngi arqyly ShOB-ty qoldaý kólemi shamamen eki trln teńgege jetti.