Almatyda bıyl kásipkerlerge qatysty 500 astam zańsyz ókimniń kúshi joıyldy
ALMATY. KAZINFORM – Almatydaǵy Kásipkerler palatasynyń kásipkerlerdiń quqyqtaryn qorǵaý men ákimshilik kedergilerdi azaıtý bóliminiń basshysy Erkebulan Beıimbet osy saladaǵy jumys nátıjesi týraly baıandady.
Onyń aıtýynsha, byltyr Kásipkerler palatasy keńesiniń 14 otyrysy ótip, onda 33 másele qaralyp, onyń 21-i sheshimin tapqan. 109 zańsyz nusqama men 264 profılaktıkalyq baqylaý nátıjesi joıylyp, 80 laýazymdy tulǵa jaýapqa tartylǵan. Sotta 6 is qaralyp, 48 mln teńge somasynda 8 kásipkerdiń quqyǵy qorǵalyp, 4 ákimshilik is toqtatylǵan eken.
- Biz barlyq negizgi kórsetkish boıynsha oń ózgeris baıqap otyrmyz. Quqyǵy qorǵalǵan kásipkerlerdiń sany da artyp, qaıtqan qarajattyń kólemi de ulǵaıyp barady. Bul kásipkerlerdiń óz múddesin batylyraq qorǵaı bastaǵanynyń belgisi, — dep Erkebulan Beıimbet.
Al 2026 jyldyń basynan beri keńestiń 5 otyrysy ótip, 13 másele qaralǵan. Sondaı-aq osy kezeńde 2049 kásipkerdiń quqyǵy 1,3 mlrd teńgeden astam somaǵa qorǵalǵan jáne 571 zańsyz ókimniń kúshi joıyǵan. Odan bólek 4 laýazymdy tulǵa jaýapqa tartyldy.
- Biz salyq organdarynyń áreketine baılanysty ótinishterge erekshe nazar aýdaramyz. Qujatty negizsiz talap etip, shotty buǵattap, zań buzbasa da habarlama jibergen birneshe derek anyqtaldy. Mundaı áreket bıznestiń aıaǵyna tusaý bolady. Osyndaı ár iske quqyqtyq baǵa berip, kásipkerdiń quqyǵyn qalpyna keltirýge qol jetkizemiz, — dedi ol.
Eske salaıyq, eldegi áleýmettik kásipkerlik sýbektileriniń sany 1577-ge artty.
