Almatyda bıyl qansha shaqyrym velojol salynady

ALMATY. KAZINFORM – Bıyl Almatyda 20 shaqyrymǵa jýyq velojol salý josparda bar.

Qalalyq mobıldilik basqarmasynyń habarlaýynsha, 2024 jyly Saın — Móńke bı jolaıryǵyn salý aıasynda 2,4 shaqyrym velojol jabdyqtaldy.

– Bıyl Abaı dańǵylyn qala shekarasyna deıin jáne Saın kóshesin Rysqulov dańǵylynan Móńke bı kóshesine deıin uzartý aıasynda 7,2 km velojol salynady. Sondaı-aq, Raıymbek batyr dańǵyly boıynsha BRT jelisin salý aıasynda shamamen 15 shaqyrymdy jabdyqtaý josparda. Jalpy, veloınfraqurylymdy júıeli damytý 2030 jylǵa deıingi Kólik qańqasynyń master-josparynda kózdelgen, — dep atap ótti basqarmadan.

Almaty qalasynda 89 shaqyrym veloınfraqurylym bar. Onyń ishinde: velojolaqtar — 25 km, velojoldar — 63,8 km.

Odan bólek qala boıynsha velo-sektsııasy bar 73 baǵdarsham jáne velosıpedshilerge arnalǵan 1025 jol belgisi bar.

Osyǵan deıin Almaty qalasy boıynsha Velosport federatsııasynyń prezıdenti Bahtııar Mamyrov megapolıste velojoldardy kóbeıtý qajet ekenin aıtqan bolatyn. 

Eske salaıyq, buǵan deıin Almatyda osy jyly jol ınfraqurylymyna baılanysty qandaı jobalar bastalatynyn jazǵanbyz.