Almatyda bıyl frıstaıl-mogýldan álem kýboginiń kezeńi ótpeıtin boldy
ALMATY. KAZINFORM – Halyqaralyq shańǵy sporty federatsııasy bıyl 7-8 naýryz kúnderi Almatynyń «Shymbulaq» taý-shańǵy kýrortynda josparlanǵan frıstaıl-mogýldan álem kýbogi kezeńi ótpeıtinin málimdedi.
«Shymbulaqta» frıstaıl-mogýldan alǵashqy álem kýbogynyń kezeńi 2019 jyldyń 2 naýryzynda uıymdastyrylǵan bolatyn. Sol jyly Ulttyq qurama múshesi ıÝlııa Galysheva jarysta jeńiske jetti. 2020 jyly «Oı-Qaraǵaı» kýrortynda frıstaıl-akrobatıkadan, al «Shymbulaqta» frıstaıl-mogýldan álem kýbogy kezeńderi uıymdastyryldy.
2021 jyly frıstaıl-mogýl men frıstaıl-akrobatıkadan eresekter arasynda álem chempıonaty ótti. Bul joly qazaqstandyqtar bir kúmis jáne eki qola júldeni ıelendi. 2022 jyldan bastap megapolıs eki dıstsıplına boıynsha álem kýbogy kezeńderin jyl saıyn qabyldap otyrdy. Al 2025 jyly álem kýbogy kezeńinen bólek, Almatyda jasóspirimder arasynda frıstaıl-mogýl men frıstaıl-akrobatıkadan álem chempıonaty uıymdastyryldy.
Bıyl 7-8 naýryz aralyǵynda 7-shi ret frıstaıl-mogýldan álem kýbogi kezeńderi ótýi tıis edi.
- 2026 jyldyń 7-8 naýryzynda Almatyda josparlanǵan FIS álem kýbogynyń kezeńi uıymdastyrýdaǵy sebepterge baılanysty ótpeıtin boldy. Almaty men «Shymbulaq» taý shańǵysy kýrorty keıingi jyldary álem kýbogy kúntizbesinde mańyzdy ról atqardy jáne barlyq múddeli taraptar aldaǵy ýaqytta bul alańǵa frıstaıl jarystaryn qaıtarýǵa nıetti, — delingen Halyqaralyq shańǵy sporty federatsııasynyń resmı habarlamasynda.
Eske salaıyq, buǵan deıin Anastasııa Gorodko frıstaıl-mogýldan eki márte úzdik bestikke endi.