Almatyda bıyl elektr jelileriniń tozýy 63 paıyzǵa deıin tómendeıdi
ALMATY. KAZINFORM — Almatyda elektr, sýmen qamtamasyz etý jáne káriz jelilerin rekonstrýktsııalaý jumystary jalǵasady.
Almaty qalasy Energetıka jáne sýmen jabdyqtaý basqarmasynyń málimetinshe, megapolıstiń elektr jelilerin 2030 jylǵa deıin jáne 2040 jylǵa deıingi perspektıvamen damytý shemasy ázirlengen. Joba aıasynda bıyl 123 km elektrmen jabdyqtaý jelileri rekonstrýktsııadan ótedi. Bul jumystar elektrmen jabdyqtaý jelileriniń tozýyn 63,3%-ǵa deıin tómendetpek.
Odan bólek osy jyly 260 km jańa sýmen qamtý jáne sý burý jelileri salynyp, 87 km jeli jańǵyrtý josparlanǵan. Ótken jyldyń 9 aıynda 219 km jańa jeli salynsa, 30 shaqyrymdaı qoldanystaǵy jeliler jańǵyrtylǵan.
— Osy sharalardyń nátıjesinde 2025 jyly sý qubyrlary jelileriniń tozý deńgeıi 52,9%-ǵa, káriz jelileriniń tozýy 53,8%-ǵa deıin tómendeıdi, — dep habarlady Energetıka jáne sýmen jabdyqtaý basqarmasynan.
Eske salaıyq, buǵan deıin Abaı, Tóle bı, Jubanov kóshelerin uzartý jumystary qashan aıaqtalatynyn jazǵanbyz.