Almatyda bıyl 87 myńnan astam jańa jumys orny ashylady

ALMATY. KAZINFORM — Almatyda jumyssyzdyq deńgeıi 4,8%-dan 4,6%-ǵa tómendegen.

Almaty qalasy Jumyspen qamtý jáne áleýmettik baǵdarlamalar basqarmasynyń málimetinshe, bıyl Almatyda jumys oryndaryn qurýdyń óńirlik kartasy aıasynda 87 226 jańa jumys ornyn ashý josparlanǵan, onyń 84%-y nemese 73 293 oryn turaqty bolady. 2024 jyly megapolıste 84,7 myń jumys orny ashylǵan.

Jumyspen qamtý sharalary 32 myń adamdy qamtıdy. Olardyń ishinde 10,6 myń adam turaqty jumysqa ornalasady, 8,7 myń adam sýbsıdııalanatyn jumys oryndaryna jiberiledi.

— Oqý baǵdarlamalaryna, onyń ishinde enbek.kz platformasyndaǵy qysqa merzimdi kýrstarǵa jáne «Bastaý Bıznes» jobasyna 7 myń adam tartý josparlanyp otyr. Sondaı-aq almatylyqtar kásipkerlik bastamalardy qoldaý aıasynda 400 AEK-ke deıingi grant alýy múmkin, — dep habarlady ákimdikten.

Eske salaıyq, buǵan deıin Almatyda jer nelikten jasyl túske boıalyp jatqanyn jazǵanbyz.