Almatyda bıyl 70 shaqyrym sý qubyry men káriz jelileri aýystyrylady

ALMATY. KAZINFORM — «Investıtsııa ornyna tarıf» baǵdarlamasy aıasynda ınfraqurylymdy jańartýǵa jáne tabıǵı resýrstardy únemdeýge bólinetin qarajat kólemi artty.

Bul týraly óńirlik kommýnıkatsııalar qyzmetinde ótken brıfıngte «Almaty Sý» mekemesiniń bas dırektory Іlııas Qazıev málimdedi.

Onyń aıtýynsha, 2025 jyly qalanyń sý qubyry jáne káriz júıelerine «Almaty Sý» qarajatynan 18 mlrd teńge ınvestıtsııa tartý josparda.

— Sý qubyry men káriz júıesiniń tozǵan 70 shaqyrym jelisi aýystyrylady. Jumys júrgizý kezinde sý berý shektelmeýi úshin barynsha kúsh salynyp, kólik qozǵalysyna kedergi keltirmeý úshin de sharalar qabyldanady, — dedi Іlııas Qazıev.

Sonymen qatar, osy jyly 4 sorǵy stantsııasy jóndelip, 4 transformatorlyq qosymsha stantsııa jańartylyp, 2 taza sý rezervýary salynady.

Іri jobalar qatarynda Myńbaev kóshesindegi magıstraldi sý qubyryn aýystyrý, Taýsamaly shaǵyn aýdanynda ınjenerlik jeliler júrgizý jáne Tımırıazev kóshesindegi transheıasyz ádispen sý qubyryn qaıta jańartý kózdelgen.

— Bul qaladaǵy 240 myń turǵynyn sýmen jabdyqtaý sapasyn arttyrýǵa múmkindik beredi, — dedi spıker.

Aıtýynsha, qalanyń sý júıesin jańartý aıasynda órt gıdranttaryn, sý alatyn uńǵymalardy jóndeý jáne arnaıy tehnıkany jańartý da josparda bar.

Qazir káriz sýlaryn tazartý stantsııalaryndaǵy tazalaý tehnologııasyn jańartý jobasy qolǵa alyndy.

Buǵan deıin Almatyda elektr jelileriniń tozýy 63 paıyzǵa deıin tómendeıtini týraly jazǵan edik.