Almatyda bıyl 3 myńnan astam júrgizýshi kýáliginen aıyryldy

ALMATY. KAZINFORM – Júrgizýshi kýáliginen aıyrylýdyń basty sebepteri qandaı? Almaty qalasynyń polıtsııa departamenti jaýap berdi. 

Polıtsııa málimetinshe, Almaty qalasynda jyl basynan beri 3 myń 105 adam júrgizýshi kýáliginen aıyrylǵan. 

– Júrgizýshi kýáliginen aıyrylýǵa basty sebepterdiń biri – QR Ákimshilik quqyq buzýshylyq týraly kodekstiń 608-babynda kórsetilgen qaǵıdattardy buzý. ıAǵnı, júrgizýshiniń kólik quralyn alkogoldik, esirtkilik nemese ýytqumarlyq masań kúıde basqarýy. Sondaı-aq kólik quralyn alkogoldik, esirtkilik nemese ýytqumarlyq masań kúıdegi adamǵa basqarýǵa berý. Odan bólek 590-bap ( 2-1, 4, 4-1 tarmaqtary), kólik quraldaryn paıdalaný qaǵıdalaryn buzý, - dep túsindirdi departamentten.

Sonymen qatar Almaty polıtsııasynyń málimetine sáıkes, bıyl 1 qańtar men 1 jeltoqsan aralyǵynda moped júrgizýshileri 663 jol-kólik oqıǵasyna ushyraǵan. Nátıjesinde 3 adam qaıtys boldy, 696 adam dene jaraqatyn aldy. 

Osy ýaqyt aralyǵynda Almatyda elektrosamokat júrgizýshileri 381 jol apatyna ushyrap, saldarynan 1 adam qaıtys boldy, 403 adam dene jaraqatyn aldy. 

Eske salaıyq, Qazaqstanda elektrosamokattardy jalǵa berý tártibi qaıta qaralyp, Parlament kıksherıngilik kompanııalarǵa jańa talaptar engizetin zań normalaryn bekitti. Ózgerister jol qozǵalysy qaýipsizdigin arttyrýǵa baǵyttalǵan. Bul bastama samokattarmen bolǵan jol-kólik oqıǵalary men quqyqbuzýshylyqtar sanynyń ósýi aıasynda kóterildi.